ئه‌و وێنانه‌ی‌ جیهانیان خه‌ڵه‌تاند

تم قراءة الموضوع 2363 مرة   

22/2/2014 7:29 مساءَ


 زۆرن ئه‌و وێنانه‌ی‌ رۆژانه‌ له‌ تۆڕه‌ كۆمه‌ڵایه‌تییه‌كاندا بڵاوده‌كرێنه‌وه‌، هه‌ندێكیان به‌ ئاسایی تێده‌په‌ڕن و هه‌ندێكی‌ تریان هه‌ست و سۆزی‌ بینه‌رانیان راده‌كێشێت و ده‌بنه‌ جێی‌ سه‌رنج، به‌ڵام له‌ هه‌ندێ‌ كاتدا یاری‌ به‌ وێنه‌كان ده‌كرێت و به‌شێوه‌یه‌كی‌ هه‌ڵه‌ لێكدانه‌وه‌یان بۆ ده‌كرێت.

ئه‌مانه‌ی‌ خواره‌وه‌ كۆمه‌ڵێك له‌و وێنانه‌ن كه‌ له‌لایه‌ن به‌كارهێنه‌رانی‌ تۆڕه‌ كۆمه‌ڵایه‌تییه‌كانه‌وه‌ یارییان پێكراوه‌ و به‌ زانیاری‌ هه‌ڵه‌وه‌ بڵاوكراونه‌ته‌وه‌ به‌وهۆیه‌وه‌ بوونه‌ته‌ جێی‌ سه‌رنجی‌ بینه‌ران.

دواهه‌مین ئه‌و وێنانه‌ی‌ له‌ به‌شێك له‌ میدیاكان و تۆڕه‌ كۆمه‌ڵایه‌تییه‌كاندا بڵاوكرایه‌وه‌، وێنه‌ی منداڵێكی‌ سوری‌ بوو كه‌ له‌ بیابانێكدا به‌ ته‌نیا به‌ره‌وه‌ كه‌مپێكی‌ په‌نابه‌ران له‌ سنووری‌ ئوردون ده‌ڕۆی‌. 
ئه‌م وێنه‌یه‌ له‌ سه‌ره‌تادا وا لێكدانه‌وه‌ی‌ بۆ كرا كه‌ منداڵه‌كه‌ به‌ ته‌نیا له‌ بیابانه‌كه‌دا رێی‌ كردووه‌ تا گه‌یشتووه‌ته‌ كه‌مپه‌كه‌، له‌ راستیشدا منداڵه‌كه‌ كه‌مێك له‌ دوای‌ خێزانه‌كه‌یه‌وه‌ رێی‌ كردووه‌.



بڵاوكردنه‌وه‌ی‌ وێنه‌یه‌كی‌ تر له‌ تۆڕی‌ كۆمه‌ڵایه‌تییه‌كان كه‌ منداڵێك بوو له‌نێوان دوو گۆڕدا خه‌وتبوو، وا لێكدانه‌وه‌ی‌ بۆ كرابوو كه‌ منداڵه‌كه‌ له‌نێوان گۆڕی‌ كه‌سه‌ نزیكه‌كانیدا خه‌وتووه‌، دواتر ئاشكرابوو كه‌ وێنه‌كه‌ له‌لایه‌ن عه‌بدولعه‌زیز ئه‌لعتێبی‌ وێنه‌گری‌ سعودیه‌ گیراوه‌ و مناڵه‌كه‌ش برازای‌ بووه‌ و كارێكی‌ هونه‌ری‌ بووه‌ بۆ خستنه‌ڕووی‌ هه‌ستی‌ ته‌نیایی لای‌ منداڵانی‌ بێ‌ دایك و باوك "هه‌تیو".



 چوارشه‌ممه‌ی‌ رابردووش ئه‌م وێنه‌یه‌ مشتومڕێكی‌ زۆری‌ نایه‌وه‌، كاتێك وا لێكدرایه‌وه‌ كه‌ ئافره‌تێكی‌ به‌ته‌مه‌ن له‌ ناوچه‌ی‌ عه‌رعه‌ری‌ سعودیه‌ ده‌ستی‌ به‌ڕێوه‌به‌ری‌ گشتی‌ پۆلیسی‌ هاتوچۆ ماچ ده‌كات، دواتر ده‌ركه‌وت كه‌ ئافره‌ته‌كه‌ هه‌وڵی‌ داوه‌ داوایه‌ك پێشكه‌شی‌ ئه‌و به‌رپرسه‌ سعودیه‌ بكات بۆ ئه‌وه‌ی‌ شوێنی‌ كاركردنی‌ كوڕه‌زاكه‌ی‌ بگوازێته‌وه‌ و له‌ كاتی‌ وتووێژه‌كه‌شدا پشتی‌ چه‌ماوه‌ بووه‌.



هه‌فته‌ی‌ رابردووش وێنه‌یه‌كی‌ حكومه‌تی‌ نوێی‌ لوبنان بڵاوكرایه‌وه‌ كه‌ به‌ فۆتۆشۆپ رێكخرابوو، وێنه‌كه‌ش مشتومڕێكی‌ زۆری‌ له‌ ناوه‌نده‌كانی‌ لوبناندا نایه‌وه‌ به‌تایبه‌ت دوای‌ ئه‌وه‌ی‌ وا بڵاوكرایه‌وه‌ كه‌ به‌ به‌رنامه‌ی‌ فۆتۆشۆپ وێنه‌ی‌ نه‌بی به‌ری‌ سه‌رۆكی‌ په‌رله‌مانی‌ ئه‌و وڵاته‌ خراوه‌ته‌ سه‌ر وێنه‌كه‌ به‌هۆی‌ ئه‌وه‌ی‌ دوو وه‌زیر له‌ كاتی‌ دیاریكراودا ئاماده‌ی‌ وێنه‌گرتنه‌ نه‌بوون.




ره‌نگه‌ وێنه‌كانی‌ ئه‌م گرته‌ ڤیدۆییه‌شتان له‌یاد مابێت كه‌ له‌ 2012دا هه‌رای نایه‌وه‌ و له‌ تۆڕی‌ كۆمه‌ڵایه‌تی‌ یوتیوب ملیۆنان بینه‌ری‌ هه‌بوو كه‌ له‌ سه‌ره‌تادا وا بڵاوكرایه‌وه‌ كه‌ داڵێك هه‌وڵی‌ رفاندنی‌ منداڵێك ده‌دات، دوای‌ ماوه‌یه‌ك روونبووه‌وه‌ كه‌ گرته‌ ڤیدیۆییه‌كه‌ ساخته‌بووه‌ و به‌شێك بوو له‌ پرۆژه‌یه‌كی‌ زانكۆیی ژماره‌یه‌ك خوێندكار كه‌ به‌رهه‌مهێنه‌رانی‌ نمره‌ی‌ ته‌واویان له‌سه‌ر به‌ده‌ستهێنابوو.



له‌ ساڵی‌ 2009شدا یاری‌ به‌م وێنه‌یه‌ی‌ جۆرج بوشی‌ كوڕ سه‌رۆكی‌ پێشووی‌ ویلایه‌ته‌ یه‌كگرتووه‌كانی‌ ئه‌مریكا كرا بۆ ئه‌وه‌ی‌ واده‌ربكه‌وێت كه‌ كتێبه‌كه‌ به‌ سه‌ره‌وخواری‌ ده‌خوێنێته‌وه‌، به‌ڵام له‌ راستیدا ئه‌و سه‌رۆكه‌ كتێبه‌كه‌ی‌ به‌شێوه‌ی‌ ئاسایی ده‌خوێنده‌وه‌.
   




ڕیكلام

  • ڕیكلام بۆ كاندید، قه‌واره‌، كۆمپانیا، كاروپیشه‌ ده‌كه‌ین

  • گه‌شتی ڕاسته‌وخۆ بۆ كوردستان به‌ هه‌رزانترین نرخ

  • گواستنه‌وه‌ی كه‌ل وپه‌له‌كانتان له‌ ئه‌ورپاوه‌ بۆ كوردستان و به‌ پێچه‌وانه‌وه‌

  • مژده‌ مژده‌، پڕۆژه‌ی نیشته‌جێبوون له‌ هه‌ولێر

  • ده‌ستپێكی نوێ له‌ ژیاندا،پرۆژه‌ی نیشته‌جێبوون له‌ هه‌ولێر

  • گه‌شتی ڕاسته‌وخۆ بۆ كوردستان، به‌ كه‌مترین كات و هه‌رزانترین نرخ
    

ریـکـلا م

نرخی دراو و كه‌لوپه‌ل

فۆتۆشۆپی ڕاسته‌وخۆ

دۆزینەوەی سەرپێچی ئۆتۆمبیله‌كه‌ت

كه‌ش و هه‌وا

گه‌ڕان

چوونه‌ ژووره‌ وه‌